21 İyul 2023-cü il tarixində BOKT Viator Mikrokredit Azərbaycan MMC - nin maliyyə dəstəyi ilə, Gəncə Gənclər evinin və Yeni Azərbaycan Partiyasının Gəncə şəhər təşkilatının təşkilatçılığı ilə Ulu Öndər Heydər Əliyevin 100 illik yubileyinə həsr olunmuş rəsm müsabiqəsinin final və təltifetmə mərasimi baş tutmuşdur.

Üç hissədən ibarət olan müsabiqənin elan hissəsində 50 nəfər yeniyetmənin iştirakı ilə yüzə yaxın rəsm əsəri təqdim olunmuş, birinci hissəsində otuz iki əsər seçilmiş, ikinci hissəsində isə on bir iştrakçı mübarizə aparmışdır. Final mərhələsində ilk dörd yer müəyyən olunmuş və yer tutan iştrakçılara diplom və pul mükafatı, digər yeddi nəfər iştrakçı isə sertifikat və hədiyyələrlə təltif olunmuşdur .

Tədbirə təşkilatçı və qonaq qismində BOKT Viator Mikrokredit Azərbaycan MMC -nin icraçı direktoru Aynur Əliyeva, BOKT Viator Mikrokredit Azərbaycan MMC -nin Maliyyə meneceri Ruslan Qarayev, BOKT Viator Mikrokredit Azərbaycan MMC-nin Biznesin İnkişafı və Marketinq departamentinin rəhbəri Nail Abbasov, Yeni Azərbaycan Partiyası Gəncə Şəhər Təşkilatının sədri Bayram Aslanov, Gəncə Gənclər Evinin direktoru Amil Qurbanov, Millət Vəkilləri Müşfiq Cəfərov və Pərvin Kərimzadə, Gəncə Uşaq Gənclər və İnkişaf Mərkəzinin direktoru Sevinc Ələkbərova, Gəncə şəhər Uşaq Rəssamlıq Məktəbinin direktoru Mehdi Hüseynov və Gəncə- Daşkəsən Regional Gənclər və İdman İdarəsinin Gənclər sektorunun müdiri Rəşad Əlizadə iştrak etmiş və gənclərə xoş niyyətlərini çatdırmışdırlar.

Tədbirdə iştrak edən bütün qonaqlara BOKT Viator Mikrokredit Azərbaycan MMC adından təşəkkür edirik!